الصفحات

الجمعة، 26 نوفمبر 2010

Bye Bye November


I love life because what more is there.
Anthony Hopkins



استمع الى : اطير بجناح الهوى واصادف اعصار الهوى مهوي .. وأنا ذوقي هوى ازيد فوق الطيب طيب ..أغنية خطاك [عبدالجميد عبدالله ]
آكل :  -
أشرب : water
المزاج : :)



- ثاني أيام العيد وبعد الغداء، اتصلت فيني أختي وقالت لي خلنا نروح نشرب شاي في هيلتون معيريض، جلسنا في الهيلتون حوالي الساعة وبعدها قررنا نروح بيت أختي، وكناواقفين والاشارة حمراء ولما صارت خضراء مشينا وأول ما مشينا ما حسيت غير برأسي يرتطم بالجامة .. !!!!!!  سيارة دعمتنا ... !!!!!!!! وكنا بدون حزام الأمان .. بس الله سلمنا .. وغير رقبتي ما صار لنا شيء ..

- معاي صديقة في الدوام اسمها مها ..
سألتني، منال .. إنتي تكتبين ..؟
أنا : ليش هالسؤال .. ؟
مها: ماأدري بس من شكلج أحس إنج تكتبين .. صح تكبين وإلا ..[ثاني شخص يقولي شكلي يبين إني أكتب .. كيف ما أدري ..:)
أنا : يعني ..مرات ..
مها : يعني صح توقعاتي ..
أنا : شوي .. :)
مها: أريد أقرا لج شيء ..
أرسلت لها بالايميل رسائلي إليه من الرسالة الأولى للسابعة .. فكان تعليقها على الرسائل على لبلاك بيري مسج ..
::






::
- صار لي سنتين وزيادة أشرب شاي أخضر .. بس الحين صرت أشرب الشاي المغربي .. جربته أول مرة في شكسبير كافيه ومن بعدها صرت كلما أروح كافيه أو مطعم وأشوف عندهم شاي مغربي أطلبه على طول .. :)  

- حلمت حلم ويا كثر أحلامي ..:) المهم الحلم ظل طول الوقت في بالي،و كنت أكلم زميلتي في المكتب إني أفكر في الحلم، فعطتني رقم خدمة تفسير الأحلام خاصة بقناة Mbc [هالخدمة مش برنامج مجرد تتصلين وتكلمين الشخص ويفسر لج الحلم] وأنا في حياتي ما فسرت أي حلم، المهم اتصلت وما أدري ليش كنت خايفة، كلمته عن الحلم، وكان صوتي يرجف، سألني سؤال واحد بس، وفسر لي الحلم..  ما أدري ليش دمعت عيني بعد ما سمعت التفسير.. يمكن لأني من الأساس كنت خايفة .. ليش ما أدري .. 
الصدفة إنه لما رجعت البيت اتصلت فيني وفاء ..!! أقولها إنتي الملاك الحارس وإلا شسالفتج  ..
..
 - من بعد ما شفت هالمقطع حبيت بو متعب أكثر والله لاني صدق ضحكت وأنا أسمعه.. يقول :خواني جاءتني هذه الوعكة ما أدري ما هي، ناس يقولون انزلاق، وناس يقولون عرق النساء. النساء ما شفنا منهن إلا كل خير .. حبيته حبيته من بعد هذا الفيديو ..

- هالشهر وصل زوار المدونة من دولة الكويت 1000 زااائر .. :)


- تابعت حلقة اوبرا مع أم مايكل جاكسون وعياله ..عجبتني الحلقة واايد .. أسئلة عفوية جداً ..  وإجابات بسيطة .. وعفوية .. وحلقتها  مع سارة فيرغسون طليقة الأمير اندرو عجبتني بس شكل سارة صدمني .. وقفت دقيقة مش مستوعبة إنها هي .. وإنهارت في الحلقة بسبب تصرفاتها وفضيحتها الأخيرة ..

 - وأنا أبحث عي معلومة في Google وصلت بالصدفة لبرنامج عمرو خالد اسمه [رحلة السعادة] .. ما أدري شقول عنه بس أتمنى الكل يشوفه .. :)
...
- الأسبوع الجاي راح تكون إجازة العيد الوطني لدولة الامارات .. يعني بكون في دبي من يوم الأربعاء تقريباً ليوم السبت .. :)
::
- http://www.4shared.com/audio/PiJ4gRTS/_____.html
..
..
- SMS - E.mail -BBM

الايميل اللي جد ضحكت لما قريته .. :)
>>






..
لك فقط : في ليله كنها الليله عرفتك بسمتي و فجري .. و ليله زي ذي الليله و هبتك في الأمل عمري  .. [محمد عبده]

هناك 10 تعليقات:

نداء مصالحه يقول...

منووووووله
السلام عليجي يا بعد قلبي
ترى وايد مفتقدج يا الغاليه ،، اليوم انا اول وحده واصله ههههههههه
أبي هديه عالتبكير :P

صحيح اني طولت غيبتي هالفتره بس ما افوتلج ولا رساله او بوست كله اقرأه :P نسيت اقلج كل عام وانتي بخير ولو انها متأخر ،،

سلّة ميوّه ،، ترى إن طليتي عند منووله ببعثلج سلام حار من صفحتها ههههه ،،

اشتقتلجن وايد والله ،، شكنت بقول ،،

ما ادري ليش بلاقي شبه بيينج منوله وبين سله بحسجن خوات :P

فتجن بعافيه يا الغوالي

( ها كيف الخليجي معي ؟ ):D

Tekana يقول...

خطاج السو ان شالله. ماتشوفون شر ... مفسرين الاحلام اللي يطلعون بالتلفزيون احسهم مو مضمونين كلش وتفسيرهم حده خوارة خصوصا في مفسر يطلع بقناة كويتيه مشهورة جدا :). الشاي الاخضر انا ماستغني عنه لازم كل يوم عقب الغدا اشرب مع شي حلو. يبيله نجرب الشاي المغربي. وين اقدر احصله؟. واخر شي مبروك عيد الامارات وان شالله ايامكم كلها اعياد.  

mese يقول...

الحمد الله على السلامه, ما تشوفين شر يارب..
مادري ليش في الأعياد تكثر الحوادث,مع الناس لازم تكون رايقة..

معاها حق صديقتج..كتاباتج جدًا رائعة وقريبة من القلب وما تنمل مهما أعدنا قراءتها..

الشاي الأخضر لذيذ, ويهديء الأعصاب ويعدل المزاج تمام, أحبه وايد بس ما كد جربت الشاي المغربي ودائمًا خالي يمدحه.

اللهم إجعله خير يارب..
أحب تفسير الأحلام, بس أحيانا لا أخاف منها, ومن كثر ما دووم أقرأ كتاب التفسير حفظته :>

من زمان ما تابعت برنامج أوبرا.

كل عام وإنتي بخير, ودولتنا وشيوخنا بخير وسلام..وإجازة سعيدة يارب..

شكرًا على الروابط..
ودووم مثل الكل أحب أقرأ جملة المقدمة وع طول أروح للنهاية بعدين أقرأ من الأول :>

وسلامي لج..

غير معرف يقول...

your written is so good, am always following up the new in your site.

aL-NooR . يقول...

الله نوفمبر شهر خطير
شهر التغيير ..بالنسبة لي
حبيت مقتطفات الشهر ..شي حلو ..سلس ..و قريب من القلب ...يا منووله .. ولهانيين ..و ودنا ايين الكويت ..و تزورينا ..و تنورينا ..
عاد انا و سلة ..نسوي الواجب و اكثر ههههه...

:*

الشاعر الفنان أحمد فتحى فؤاد يقول...

منال

صباح الخير

رغم طول غيبتك و عدم سؤالك .. أنا جيت أطمن عليكى
و كفاية إننا جيران
كل سنة و انتى طيبة بالعيد
و كل سنة و إنتى طيبة بعيد الإتحاد
أنا كمان ممكن أكون بدبى بالأجازة

مستني سؤالك

تحياتى أختى العزيزة

rainbow يقول...

سلامتك منوول ما تشوفين شر يا رب
"
أنا أؤؤمن بالاحلام كثير
ودايم احلامى تتحقق
.
الشاى المغربى جداا حلو

بوست جميل

تحيااتى لك

وين رسائلى اليه ؟

Manal E. AlNuaimi يقول...

نداء مصالحه
انتي مش معقووووووولة ...

شسمي هاللغة .. هذي خليجي معتق بالفلسطيني .. :)

اشهالدراسة اللي مخاذتج عن الكل .. بس المهم انج تمرين وتقرين اللي اكتبه ..

سلة بخير وعافية بس لازم اطلين في مدونتها وتسلمين عليها بعد مرة ثانية ..
وسبب الشبهة اللي تحسينه بيني وبينها انه نحن خوات بس محد يعرف هالسر .. :)


ندااااااااااااااااااء اخر جملة الصراحة كانت قمة اللهجة ..
هذي الخليجي اللي ما بعده خليجي ..
فتجن بعافيه يا الغوالي

ونستيني بكلامج والله ..

--------------

Tekana
خطاج اللاش والشر ما ايييج .. :)

مفسرين الاحلام في التلفزيون الصراحة ما اتابعهم ؟؟ يمكن لاني ما اهتم وايد بتفسير الاحلام ..

الشاي المغربي في الكافيهات بيكون اعتقد موجود ..
انااشتريته من القرية المغربية اللي في القرية العالمية في دبي مع الابريق علشان يكون صج شاي مغربي ..

الله يبارك فيج حبيبتي .. :)

----------

mese
الله يسلمج حبيبتي من الشر ..

الشوارع زحمة لانه الجو اعتدل والوقت اجازة فتكثر الحوادث ..

صديقتي تقولي انها حاطه الرسائل في مكان قريب منها وكلما تحس انها محتاجة جرعة رومانسية تقراهم ..:)

ووصلني ايميل انه رسائلي يحتفظون بها في فايل خاص ..

فشكرا على كل هالاشياء منكم ولمشاعركم ..

قطرات .. امشي وراى كلام خالج وجربي الشاي المغربي .. :) لازم .. وبتحبينه والله ..

دامج من جملة البداية تنتقلين لجملة النهاية لازم اهتم اكثر الجمل اللي اكتبها علشان لا اخيب ظنج .. :)


-----------

غير معرف
شكرا وايد على المتابعة ..
بس ياريت مكتوب الاسم مع الرد ..

-----------

aL-NooR

من بين كل اشهر السنة احب ديسمبر .. بس هذا ما ينمع انه لكل شهر متعته وايامه ..

ودي يالنوووور ودي والله ..
ادري انج وسلة ما بتقصرون .. عاد قبل كان ودي ازوركم الحين لا ابي وابي وابي لازم ايييييييييييكم .. لازم ..

-------------

صباحك خير أحمد

انا مقصرة عن السؤال عن الكل وعن الاصدقاء بالتحديد .. فاعذرني ..

وانت بخير والامارات بخير دايما ..

وان شاء الله تكون بصحة وسلامة ..

-----------

قوس قزح
الشر ما اييك ان شاء الله ..

الاحلام ما كانت تعنيلي ممكن اقرا الرموز ودلالاتها بس ما افسرها تفسر كامل ..


الشاي المغربي لذيذ .. اكيد مجربه لانك قلت انه حلو .. :)

رذاذ المطر يقول...

حمدا لله على السلامة

Manal E. AlNuaimi يقول...

الله يسلمج من الشر خوله ..