الصفحات

الأحد، 25 يوليو 2010

Bye Bye July




I've learned that good-byes will always hurt, pictures will never replace having been there, memories good and bad will bring tears, and words can never replace feelings.”


استمع الى: وين أحب الليلة وين [محمد عبده]
آكلBlueberry Muffin
أشرب: -
المزاج : كسل


- قبل السفر بيومين..
 قمت من النوم مضايقة وأفكر بشيء فـ بالي، حاولت إني ما أفكر فيه، أو بمعنى ثاني حاولت أدوّر حل يريح هالفكرة اللي تدور في رأسي، وصلت الدوام فتحت Google وبديت أبحث عن مواضيع معينة ممكن إنها تساعدني في التخلص من هذا الضيق، كلها كانت مواضيع مارة عليها قبل وكانت جداً قيمة بالنسبة لي في وقت سابق لكن الآن لم أستطع حتى ان أكمل فقرة واحدة في قراءتها.. خلّص الدوام وأنا ما قدرت أشل هالفكرة .. وجد مضايقتني  ..
رجعت البيت حاولت أنام، ما قدرت .. العصر خذت كوب النسكافيه ونزلت أشوف التلفزيون ..
اخترت قناة Fox series تمددت على الكنب وأغمضت عيني، فجأة رن موبايلي، تجاهلته حتى بدون ما أشوف رقم المتصل، بس الرنين يتواصل ..

الشاشة عليها اسم وفاء، صديقة قديمة جداً جداً من أيام الدراسة الثانوية، التقيتها صدفة في مقر عملي أثناء انهاءها لمعاملة، وتبادلنا الأرقام ..

المهم: استغربت اتصالها وهي التي لم تتصل بي من قبل، وتحدثت معي، بدأ ما بي من ضيق يخف، وبدأت تقترب مما كنت أحمله من ضيق منذ الصباح دون أن أبوح لها بشئ، وحدثتني بروح صادقة لدرجة جعلتني أبكي وهي تتكلم، كانت من بين قلة من الذين مروا في حياتي وتحدثوا بصدق أثر بي بالرغم من عدم قربهم مني، تكمل حديثها وأنا أبكي، قالت لي أبكي وأخرجي كل مابكِ.. هي الوحيدة والتي وللمرة الأولى  يقول لي أحدهم أبكي، العادة يقولون لاشيء يستحق، ولا تبكي، ولاشيء يستحق الدموع ، هي قالت لي ما أردت أن أسمعه بصدق، ولأول مرة أبكي مع صديقة باتصال المفروض أن يكون تحيات وسلامات وسؤال وأخبار ..

في تلك اللحظة أحسست بأن وفاء شيء أرسله الله لي  وربما ولهذا السبب أنا بكيت ..
أردت أن أحادثها وأنا في المطار، اتصلت بها كان هاتفها مغلق.. لا أدري ربما أيضاً إغلاقها هاتفها من الله لأبقى أتذكر تفاصيل مكالمة لازلت أشعر بتأثيرها الصادق ..

وقت السفر:
- أول ما جلسنا في الطيارة أغلقنا الموبايلات، ومن وصلنا فتحناها، اللي استغربت منه الأرقام اللي وصلني مسج إنها اتصلت فيني وأنا في الطيارة، أرقام غريبة متصلة، وناس ما اتعودت يتصلون متصلين، ومسجات من ناس بالمرة بالمرة ما اتخيلت إنه يوصلني مسج منهم.. غريبة يعني هالكم ساعة اللي أغلقت فيها الموبايل يوصلني كل هذا.. شسالفة ...!!!!!

في السفر:
- هالشهر قضيته أسبوع في فرنسا  [3 أيام في ديزني لاند - 4 في منطقة لادي فانس]، وأسبوع في سويسرا[5 أيام في ايفيان، ويومين في لوزيرن]، يومين في ألمانيا[ميونيخ]، ومرة ثانية يومين في سويسرا[زيوريخ]، حبيت ايفيان واتمنيت أعيش فيها..

- انتهيت من قراءة كتاب فرح ديبا ابصراحة أنا محظوظة لأني حصلت هالكتاب قبل السفر وأكثر لأني قريته .. 399 صفحة .. انتهيت من قراءته في الليلة الاخيرة لنا في سويسرا ..

-  في الطيارة حاولت اتابع فيلم Avatar على كثر ما قريت عنه وعن انتاجه الضخم، حاولت أغصب عمري وتابعه بس ماقدرت، ما أحب هالنوعية من الأفلام اللي فيها خيال .. غيرت واخترت من الأغاني محمد عبده، والسمفونيات العالمية .. 

- شيء لاحظته على شباب الخليج بشكل عام في السفر، كلهم كلهم كلهم لابسين Ralph Lauren Polo T-Shirt  حسيت إنه موزع عليهم عند باب الطيارة .. وإلا إنه لبس إلزامي، وبعد مايرضون بلوغو الخيل لصغير .. :)

- ولد أختي في أمريكا، اتصل فينا ونحن في ديزني لاتد يسألنا عن المكان اللي إحنا فيه، فاتفجأنا فيه أنه ياي من أمريكا وإنه معانا في ديزني .. كانت صدق مفاجأة .. 

- ركبنا الـ  underground  ومسكنا العمود اللي مقابل الباب بالترتيب أنا أختي وبعدين زوجها.. ووقف القطار في محطة فركبن ثلاث بنات ما تتعدى أعمارهن ال 15 سنة.. وبدون ما نحس توزعن علينا ووقفن ورانا "طبعاً لاحظنا هالشيء بعدين"، بنت أختي قاعدة على كرسي مقابلتني، فنادتني إنه شنطتي مفتوحة، سحبتها واستغربت لأنها ما تنفتح إلا بايد "شنطة شانيل"، سكرتها، ورجعت انفتحت مرة ثانية وبهالوقت انفتح الباب ونزلت الثلاث بنات، وفي نفس اللحظة ريل أختي حط ايده ف جيبه ما لقى محفظته، وبسرعة قبل الباب ما يسكر نزل وراها، طلعت وحده حاولت فتح شنطتي وما قدرت والثانية سرقت محفظة ريل أختي ونزلت .. بس أول ما قالها طلعي المحفظة طلعتها.. كان ما صارلنا 4 أيام من وصلنا .. وأول مرة يصير لنا هالموقف في السفر ..

- قبل ما نرجع بثلاث أيام صابني أرق مش طبيعي، وبسببه صايرة مش قادرة أنام إلا لما توصل الساعة 4، وهالحالة مستمرة لليوم، واليوم  أول يوم لي في الدوام من بعد الإجازة، والقسم فاضي تقريباً ..
::
::
لك فقط : المشاعر في غيابك .. ذاب فيها كل صوت - والليالي من عذابك .. عذبت فيني السكوت [أغنية الأماكن - محمد عبده]

هناك 11 تعليقًا:

mese يقول...

السلام عليكِ ورحمة الله وبركاتة..
الحمد الله على السلامه..والمعونه التعوب..

اشتقت لج واااااااااااااايد,, مادري ليش!؟ مع أني ما أعرفج واايد..

الضيقة إلي تكلمتي عنها حسيت فيها كأنها فيني..الله يشرح لج صدرج يارب ويفرج همج..

غريب كيف طلعت لج صدقيتج جذيه فجأة..إن الله عليم خبير..

المهم أنج استانستي وغيرتي جوو..والأحلى انج رحتي من أبوظبي دار خليفة,, ورحتي بعد بنفس المدينة معاه..مش شيء غريب بعد ؛)

يلا أنايالسه أكتب ردي لج.. وفريق لعبة السبيت ينادون علي ما خلوني أعرف أكتب شيء..

ودي وإحترآمي لكِ..

R-H-S يقول...

حمدلله علي السلامه ... الرحله شكلها كانت جميله جداا بغض النظر عن موقف الحراميه دول انا جسمي بيقشعر لما اعرف ان اللي قدامي حرامي ربنا يكفينا شرهم

بس اكيد لازم تتكلمي عن الرحله باستفاضه (فرنسا - المانيا -سويسرا)

تحياتي

Manal E. AlNuaimi يقول...

وعليج السلام والرحمة
اشتاقت لج العافية حبيبتي ..

شكرا على الدعوة الطيبة منج..

صدقيني لو اقولج اني ما ادري كيف اتصلت، اتوقعت انها بتسالني عن شيء يخصها واللي هو كان سبب في صدفتنا، لكنها بالمرة ما كان هذا موضوعها..
وماادري ليش اول ما شفت رقمها على الشاشة استانست ..

mese تراني مش من ابوظبي ..:) :) ..ليش اتوقعتي اني من ابوظبي ..؟

لعبي لعبي السبيت مع اني ماعرفها ..
انا بعد اكتب لج واشرب شوربة ..:)

بيوصلج ايميل جريب مني، ادري بتقولين من متى وانتي توعدين .. والله ما نسيتج بس انشغل .. :)

=======

R-H-S

الله يسلمك ..
الرحلة كانت ممتعة جدا.. وجميلة جدا.. بس الجو كان حاااار جدا جدا ..

انا من الصدمة ما حستش ان في حاجة كبيرة حصلت بس اول ما صحيت من النوم تاني يوم لقيت نفسي خايفة .. ده بءا بيسمونه الاحساس المتأخر ما بعد الصدمة .. "في حاجة اسمها كده، والله معرفش" ..:)

االبوست اللي بعد ده او اللي بعد بعد ده حيكون في صور عن الرحلة ..

ومساك خير

rainbow يقول...

إجازة كانت سعيدة و سريعة لكن شملت مجموعة دول وهذا راائع و مشوق ..
الموقف اللى صار لك فى Underground بيصير لك السواح العرب فى هالايام ..
الحمد لله انه وقف عند هالحد ..
كنا نتوقع صور عن الرحله .. ولكن لا زال يحذونا الأمل ...
الحمد لله على سلامتك و عودتك لأرض الوطن ..

Crazy Girl in aGood Way يقول...

الف الحمدلله على السلامه والحمدلله تبردتو شوي بالاجواء الاوروبيه

اي لما تنشغلين او تغيبين الكل ماشالله يذكرج خخخخخ

والله حفظكم من هالبنات :(

سلة ميوّة يقول...

ولهت عليج
ولهت عليج
ولهت عليج
ومن كثر ما ولهانا عليج
عيوني كانت اتلاقط بالبوست
احاول اطمر من سطر لي سطر..ودي الم الحروف...



ياحبيبتي حمدالله عالسلامة

و عساج ريحتي واستانستي بس؟؟
وعلى اخر موقف:)
اكشن عجيب يبيلكم قصة:)

اهم شي انج غيرتي جو...
واذا على الارق...الله يكون بعونج
شربي ينسون دافي بالعسل
قبل النوم

منووووم عجييب:)


حبيبتي انطر بوستج القادم على احر من الجمر


وخوش شهر :***

Reem AlHajri يقول...

فيني حجي وايد ..
و الحقيقة .. مادري شقول بالضبط !

لول ولهانين عليج ترى ؛*
عساج بخير يارب ..

AL Ro0oR يقول...

دائما يوم أقرا لج أعيش أحداثج وياج !

تضايقت لضيقتج واستانست على وفاء !

واستانست بسفرتج بس طماعنين بتفاصيل وصور :p

الحمدلله ع السلامة
والله يفرج كل همومج يـارب ^_^

Manal E. AlNuaimi يقول...

قوس قزح
الصور ان شاء الله راح تكون في البوست القادم، يمكن بس لأني حبيت احافظ على النظام في المدونة واكتب عن انتهاء الشهر وبعدين اكتب كل ما يخص السفر ..

الله يسلمك من الشر ..

=====

Crazy Girl in aGood Way
الله يسلمج حبيبتي ..

ما تبردنا الا قولي رجعت وكاني مستويه تاااااان .. :) ماادري ليش بعدين الجو كان حار حتى الاخبار عدنا تتكلم عن هذا الارتفاع في درجات الحرارة في الدول الاوروبية في شهر 7 .. مرة وحدة بس شفنا مطر مع شوية برد لما وصلنا المانيا ..

" ..اي لما تنشغلين او تغيبين الكل ماشالله يذكرج خخخخخ"..
الحمد لله يا كريزي احسن انها نعمة من الله ..:)

=======

سلة ميوّة
لا تقولين لي ولهت عليج وايد اتعود بعدين ع الدلع هذا ..

تراني كلما اكتب بوست اخر الشهر اتذكرج لما تقولين انظر بوستج مع الراتب .. :):)

الله يسلمج حبيبتي .. كانت رحلة ولا اروع . صدق من اجمل السفرات اللي رحتها ..

البوست القادم ان شاء الله بيكون صور الرحلة واللي بعده بوست يخص السفر اتمنى انتهي من كتابته خلال هاليومين ..

========

Reem

ودي كنت اسمع هالحجي الوايد ..

وانا بعد ولهت عليكم وعلى هذا المكان وعلى ردودكم ..وتدرين اشكثر ندمت اني ما اخذت اللاب توب معاي .. غلطة وما راح تنعاد .. :):)

الخير بدربج حبيبتي ..

-=======

AL Ro0oR
حتى لو البوست حزين ويكدّر خلج مستانسة، لاني هنا فقط اتمنى ان تستمتعوا دون اي يعكر صفو هذا الاستمتاع موقف، او كلمة او جملة تقرؤونها ..

تفاصيل السفر في البوست القادم ان شاء الله واللي بعده ..

والله يفرج ضيق الجميع يا رب .. :)

Manal E. AlNuaimi يقول...

قوس قزح
الصور ان شاء الله راح تكون في البوست القادم، يمكن بس لأني حبيت احافظ على النظام في المدونة واكتب عن انتهاء الشهر وبعدين اكتب كل ما يخص السفر ..

الله يسلمك من الشر ..

=====

Crazy Girl in aGood Way
الله يسلمج حبيبتي ..

ما تبردنا الا قولي رجعت وكاني مستويه تاااااان .. :) ماادري ليش بعدين الجو كان حار حتى الاخبار عدنا تتكلم عن هذا الارتفاع في درجات الحرارة في الدول الاوروبية في شهر 7 .. مرة وحدة بس شفنا مطر مع شوية برد لما وصلنا المانيا ..

" ..اي لما تنشغلين او تغيبين الكل ماشالله يذكرج خخخخخ"..
الحمد لله يا كريزي احسن انها نعمة من الله ..:)

=======

سلة ميوّة
لا تقولين لي ولهت عليج وايد اتعود بعدين ع الدلع هذا ..

تراني كلما اكتب بوست اخر الشهر اتذكرج لما تقولين انظر بوستج مع الراتب .. :):)

الله يسلمج حبيبتي .. كانت رحلة ولا اروع . صدق من اجمل السفرات اللي رحتها ..

البوست القادم ان شاء الله بيكون صور الرحلة واللي بعده بوست يخص السفر اتمنى انتهي من كتابته خلال هاليومين ..

========

Reem

ودي كنت اسمع هالحجي الوايد ..

وانا بعد ولهت عليكم وعلى هذا المكان وعلى ردودكم ..وتدرين اشكثر ندمت اني ما اخذت اللاب توب معاي .. غلطة وما راح تنعاد .. :):)

الخير بدربج حبيبتي ..

-=======

AL Ro0oR
حتى لو البوست حزين ويكدّر خلج مستانسة، لاني هنا فقط اتمنى ان تستمتعوا دون اي يعكر صفو هذا الاستمتاع موقف، او كلمة او جملة تقرؤونها ..

تفاصيل السفر في البوست القادم ان شاء الله واللي بعده ..

والله يفرج ضيق الجميع يا رب .. :)

Manal E. AlNuaimi يقول...

قوس قزح
الصور ان شاء الله راح تكون في البوست القادم، يمكن بس لأني حبيت احافظ على النظام في المدونة واكتب عن انتهاء الشهر وبعدين اكتب كل ما يخص السفر ..

الله يسلمك من الشر ..

=====

Crazy Girl in aGood Way
الله يسلمج حبيبتي ..

ما تبردنا الا قولي رجعت وكاني مستويه تاااااان .. :) ماادري ليش بعدين الجو كان حار حتى الاخبار عدنا تتكلم عن هذا الارتفاع في درجات الحرارة في الدول الاوروبية في شهر 7 .. مرة وحدة بس شفنا مطر مع شوية برد لما وصلنا المانيا ..

" ..اي لما تنشغلين او تغيبين الكل ماشالله يذكرج خخخخخ"..
الحمد لله يا كريزي احسن انها نعمة من الله ..:)

=======

سلة ميوّة
لا تقولين لي ولهت عليج وايد اتعود بعدين ع الدلع هذا ..

تراني كلما اكتب بوست اخر الشهر اتذكرج لما تقولين انظر بوستج مع الراتب .. :):)

الله يسلمج حبيبتي .. كانت رحلة ولا اروع . صدق من اجمل السفرات اللي رحتها ..

البوست القادم ان شاء الله بيكون صور الرحلة واللي بعده بوست يخص السفر اتمنى انتهي من كتابته خلال هاليومين ..

========

Reem

ودي كنت اسمع هالحجي الوايد ..

وانا بعد ولهت عليكم وعلى هذا المكان وعلى ردودكم ..وتدرين اشكثر ندمت اني ما اخذت اللاب توب معاي .. غلطة وما راح تنعاد .. :):)

الخير بدربج حبيبتي ..

-=======

AL Ro0oR
حتى لو البوست حزين ويكدّر خلج مستانسة، لاني هنا فقط اتمنى ان تستمتعوا دون اي يعكر صفو هذا الاستمتاع موقف، او كلمة او جملة تقرؤونها ..

تفاصيل السفر في البوست القادم ان شاء الله واللي بعده ..

والله يفرج ضيق الجميع يا رب .. :)