الصفحات

الأربعاء، 3 نوفمبر، 2010

Bye Bye October


..
Be glad of life because it gives you the chance to love and to work and to play and to look up at the stars.
[  Henry Van Dyke ]...>>
>>
استمع إلى : أحياناً أنا أفكر وأفكر وأفكر..إلى متى عزمي بالأشواق جامح.. [دويتو أبوبكر سالم وراشد الماجد
آكل: براوني ..:)
أشرب : نسكافيه

- كانت صورة البوست مختلفة تماماً عن هالصورة، كانت بالأول صورة مايكل دوغلاس، والسبب إني كنت حابه أكتب إني قريت إنه باقي له 3 أشهر بعد اكتشاف مرضة بسرطان الحنجرة..
لكن وصلتني رسالة مكتوب فيها منو قدج سلة كاتبه عنج في مدونتها .. وأنا تقريباً  من رمضان ماعندي تواصل مع المدونات سواء بالقراءة أو حتى بالتعليق .. فدخلت مدونة سلة .. واستاانست لأني كنت من أول الأشياء اللي ذكرتها في البوست .. ولأنه سلة صارت تعرف متى بينزل راتبها لما أنا أنزل بوست نهاية الشهر .. :):)
سلة ..MISS UUUUUUU WALLLLLLLLLLLLLLLLH
...
- اتصالات : تعبت تبعت تعبت منهم .. الكونكت ضعيف، خمس دقايق ويقطع، حتى وصل إنه ينقطع نهائي وعلى هالحال تقريباً من قبل أسبوع من شهر رمضان وللحين .. وهذا الأسبوع رجعنا لعالم الانترنت ..

- اصبعي الإبهام أحس بألم فيه .. والسبب كثرت كتابة المسجات .. فقررت أقطع خدمة لبلاك بيري ..!!! وبالصدفة وأنا أقرأ جريدة البيان لقيت في الملحق الاقتصادي هذا الخبر ..

- عندي شنطة فندي تنشل وهي مفتوحة، ف كنت أمشي ف المول فـ اشرت لي سيدة مرت جنبي وقالت لي "أختي شنطتج مفتوحة" .. ضحكت ومشيت، ومرة ثانية رحت المول وأنا أمشي شافني شخص من الجنسية العربية وقالي " لوسمحتي الشنطة مفتوحة " .. :) والشنظة أصلاً تنشل  وهي مفتوحة ..

- أمشي كل يوم بعد صلاة المغرب حوالي 4 كيلو .. ومرة وحده من مشيت 5 كيلو .. بس ما ضعفت ولا كيلو :) ..

- 27 الشهر اتوفى الشيخ صقر بن محمد القاسمي حاكم امارة رأس الخيمة، الله يرحمه برحمته ويرحم جميع موتى المسلمين ..


- صرت آكل كورن فليكس [لايت] بطريقة مش طبيعية.. كأني أول مرة اكتشفه ... :)  الصبح كورن فليكس، الغداء كورن فليكس، العشاء كورن فليكس .. مع حليب بارد  [لايت]..

- أعيد قراءة رواية كنت قريتها من سنة تقريباً .. مااشتريت من فترة كتب فرجعت اقرأ الكتب اللي كنت قريتها قبل فترة ..


- في خاتم وااايد عاجبني واايد مش شوية من Tiffany&co فكنت ف دبي ودخلت البوتيك، سألت البايع حابه أشوف الخاتم الحلم، ضحك عليه وقالي كل خواتمنا تعتبر حلم..:) .. شفته وكان أجمل عن الصورة بمليون مرة .. صدق إنه الخاتم الحلم لأنه سعره 250 ألف درهم اماراتي .. :):):) .. هذي صورة الخاتم الحلم ..:)


- مواقف مع رئيس القسم خمس مواقف كل واحد منها أغرب من الموقف الثاني..5 مواقف في أسبوع بمعدل موقف كل يوم دوام .. :( ..
من بين هالمواقف اني طلبت انتقل من الشعبة اللي انا فيها، ورئيس القسم مش راضي، انزين ليش.. بدون رد مقنع .. :(

- الإحساس بالارهاق يلازمني، من أقل مجهود أحس بالإرهاق.. غيرت نظام أكلي، أحاول أمشي ، والحال نفسه .. :)
..
- SMS - E.mail



....

لك فقط : مرت سنة والعين يعشقها السهر.. مرت سنة والشوق باقي ما انمحى [اغنية مرت سنة - غناء محمد عبده وعبدالمجيد عبدالله ]
.
.

هناك 11 تعليقًا:

خواطر شابة يقول...

بوست مجمع لاحداث كثيرة جعلتنا نعيشها معك كأننا كنا حاضرين وقتها
استمتعت حقا بالقراءة
دمت بكل ود عزيزتي

Tekana يقول...

تستاهلين من يكتب عنج ولله. وصج بوستاتج نثبتها مع طلعة المعاشات شي مفرح يعني :). بالنسبة حق البلاك بيري خلج منه وحولي عالايفون. Touch ومايعور الاصابع ووايد اذرب :). الكورن الفليكس انا احب تروبيكانا سليم صج لذيذ وماينشبع منه. همممم شنو بعد. المشي بهالوقت وايد حلو مع الجو المنعش وموشرط يبين بالوزن. شوفي بالملابس اكيد فيه فرق. واخر شي عظم لله اجركم بوفاة الشيخ القاسمي. واخر الاحزان ان شالله

aL-NooR . يقول...

يا حلو الاشهر بحروفج
لهم طعم ثـــــــاني
:*


ولهانين عليج ترى

sab7al5air يقول...

ايامك باسطه يا شرفهو الله وفعلا تساهلي ها المحبه من سله عقبالي انا وانت عندنا كتير قواسم مشتركه عجبني الجزء خق الشنطة و الخاتم الحلم ان شا الله يتحقق
اما الانقطاعه عن الانترنت فاحيانا كثيره لها فوائدها.

mese يقول...

يحليلج يا سله نسيتيها الراتب هالمره تأخرتي عليها..

الإتصالات عندنا هنيه تمام التمام الحمد الله..
والبلاك بيري وهالسوالف تعرفين مالي فيهن عشان أقولج رأي :]

تمشين أربعه كيلو وتاكلين كله لايت وما تبين تحسين بالإرهاق أما أنج غريبه! سوي توازن..
بعدين أنا أذكر إنج قلتي صرتي بعد رمضان يابسه ليش تبين تنقصين من وزنج! بتختفين بعدين.

ما ذكرتي لنا كل مواقفج مع رئيس القسم ليش؟:)

سالفه الشطنه تضحك وحضرتج ليش شاله هالنوع وتتمشين بالمولات!

حبيت المسجات..
والحلم صح ولا بس حلم؟
ورحتي تعشيتي برى؟

إشتقنا لج وايد..

Manal E. AlNuaimi يقول...

خواطر شابة
منورة المدونة ..
اهم شي ء انج استمتعتي بالقراءة ..

-------

Tekana
دام انه صايرة نزلة المعاشات تعرفونها من بوست نهاية الشهر مرة ثانية ما بتاخر عليكم .. :):):)

جد تعبت اصابعي صايرة تعورني من لبلاك بيري مع اني عاد مش ادمان لكن مرات تصير بزيادة .. بغير للاي فون وبمشي على نصيحتج .. :)

كورن الفليكس تروبيكانا ما اعرفه :( حطيلي صورته ..:)

اما عن المشي فصدق صدق يخليني انام نوم عميق ..:)

----------

aL-NooR
انتيييييي وييييييييييين .. ؟؟؟
لج وحشة أد كده .. :)

ويا حلو مرورج هنيه .. :)
ولهت عليج العافية حبيبتي .. :):)

----------

sab7al5air
انتي عاد صايرة تطلعين مرة ف السنة .. ليش مختفية .. ,الا انا اللي كنت مختفية .. ماادري ..

ما قلتيلي مثل شو القواسم المشتركة .. اريد اعرفها .. ؟؟

صباح الخير .. شوفي الشنطة في هذا اللينك ..:)
http://www.bagbliss.com/wp-content/uploads/2009/02/picture-222.png

ابصراحة صح .. انقطاع النت فترة كان له كثير من الفوائد لي .. :) :)

-------------


mese
الحين الكل يحاتي راتب سلة ..
سلة بشري شخبار الراتب .. :):)

الاتصالات والنت عندي ما شاف التمام بعينه .. :(
وبخصوص لبلاك بيري .. مريحة عمرج انتي .. :)


لا لا مابا اضعف بنقرض بعدين لو ضعفت زيادة .. بس كان نومي مش منتظم مادري ليش .. فلما مشيت صرت انام احلى نووووووم ..:):) جربي المشي وخبريني ..

انا حياتي كلها لايت في لايت .. كوكا كولا لايت .. خبز اسمر .. حليب لايت .. سكر بني .. يوم واحد لازم اخبرج عن يوم كان ودي اسير عند مريم نور من كثر ما صارت عندي ثقة بكلامها ..

مواقف رئيس القسم ما ذكرتها لانها غريبة شوي وكل موقف يحتاج كتابة وانا كنت اريد انزل البوست امس ..

اما بخصوص مسج الحلم فوصلني من صديقتي هند وتقول انها حلمانه اني تعبانه من الدوام .. وانا صدق تعبانه تعبااااااانه .. بس للاسف للحين ما رحت برج خليفة فووووق مثل الحلم ..

لا مرحت اتعشى بنفس اليوم .. رحت معاها في يوم ثاني .. :):) ..

Tekana يقول...

مرحبا. انا ضيعت بإسم الكورن فليكس اسمه fitness مو تروبيكانا. العتب عالنظر. وهذي صورته.breakfast-cereals/assets/images/fitness.gif

Manal E. AlNuaimi يقول...

Tekana نفس اللي انا آآكله .. صدق لذيذ واااايد ..
عاد يوم قلتي تروبيكانا .. !!! انا قلت يمكن بعد يديد ولذيذ وما اعرفه ..

يلا بنطوفها لج هالمرة .. :) وصحتين وعافية بالكورن فليكس تروبيكانا ..:)

سلة ميوّة يقول...

يامسى التماسي

هلا وغلا
يعني لازم احط لج اعلان على شان اتبينين؟؟
ترى هالمره اليايه بكتب فيج قصيدة:)

والله ولهنا عليج
وصج صج صج لج وحشة ومكانج مبين
انا قلت سوتها بطلت مدونه من ورانا وماعلمتنا:)
تذكرين يوم اتقولين ببطل مدونة:)؟؟

اما سالفة الشنطة انا اتصير بسيارتي
انا سيارتي الليت يطفي اوتوماتيك
ولازم كل ما انزل احد ينبهني..
وعلى شان لا احرجهم اسوي نفسي فعلا ناسيه وارجع السياره
وانا بداخلي انقهر ههههههه
اما الخاتم
عسى ربي يرزقج ياللي يبيلج اياه لا وفوقهم ترجيه بعد(شغاب )

ههه واما عن الكورن فلكس ما الومج
انا مثلج الناس تاكل بفك وشبس واختكم بالله كورن فلكس:)

يامسى العوده الحلوة والجميلة:***

قوس قزح يقول...

وداعاً أكتوبر و مرحباً نوفمبر
الله يحلى كل ايامك وشهورك
أعجبتنى يومياتك
يا ليت تكون يوميه ...

لك ودى و تحياتى

ذات ... يقول...

اش هاليوميات المثيره ..

بجد استمتعت فيها مرررررره ..

كلها أكشن ..(:

اهم شيء سلامة إبهامك ..(:

مودتي لكي ..